معا للقضاء على الناصبين – وايصال القيمة من وراء اى كورس وليس مجرد شهادة

معا للقضاء على الناصبين – وايصال القيمة من وراء اى كورس وليس مجرد شهادة

كتير مننا بيسأل دلوقتى الزاى افرق بين الكورس اللى هينفعنى والكورس اللى هيضرنى او بمعنى اخر " كورس النصابين "

ببساطة فيه كتير من الدلالات والعلامات اللى من خلالها حضرتك او حضرتها تقدروا تفرقوا بين الكورس اللى هينفعك والكويس والكورس اللى هيضرك او بمعنى اخر كورس النصابين , دلوقتى هسرد ليكم بعضا من هذه العلامات اللى المراكز دى بتشتغل عليها علشان تقنع الناس بالكورس بتاعها رغم انه كورس ضعيف جدا فى المستوى وانت مش هتستفاد منه اى حاجه ولاكنك هتضيع فلوسك ووقتك على الفاضى فى حين انك كنت ممكن تستغل الوقت والفلوس دى فى دراسة نفس الكورس فى البيت او فى مكان محترم وبعدين نتكلم اقصد ايه بالمكان المحترم ده:

مراكز النصابين او المراكز الضعيفة دى بتشتغل على الأتى بإختصار:

-         الشهادات: اعلان الكورس هيتضمن انك من خلال الكورس بتاعهم هتحصل على كذا شهادة كمثال انك هتاخد شهادة من جامعة القاهرة وشهادة من جامعة كامبيردج ..الخ من الخرف ده وتقدر توثقها كمان من الخارجية والكلام اللى مش بيأكل عيش ده واللى ولا ليه اى لازمة نهائيا فى سوق العمل.

-         بيشتغلوا على فكرة ان كل المواد بــ 15 جنيه بمعنى ان يقولك منحة مش عارف ايه والمنحة دى بتشمل مستويين فى اللغة الانجليزية و 3 مستويات فى اللغة الفرنسية و مستويين كمان فى اللغة النوبية + 12 كورس فى التنمية البشرية ومنها ادارة الازمات والزاى تتعامل مع الناس ...الخ , خدها قاعدة كل ما الكورس تفرع وتشعب كتير كل ماكان بيدل على ان مستوى الكورس ده ضعيف جدا بمعنى ان التخصص كويس وانت رايح تاخد كورس فى مكان كويس خصوصا ان المراكز دى الاستاف بتاعها مش بيكون على المستوى والكفأة المطلوبة.

-         هيقولك المدرب بتاعه مدرب معترف بيه ومعتمد من امريكا ومش عارف منين ومنين والهبل ده وانه حاصل على دكتوراه من جامعة غزل المحلة فى الغربية =D  وانه مدرب فى المركز الكندى وكان ابن عم دكتور ابراهيم الفقى والكلام ده كله خرف فى خرف ولا ليه اى قيمة كما تحدثنا من قبل.

-         الاسماء: بيعتمد انه يجيب رجلك من خلال اسمه ودى هتخد بالك منها كتير امثلة للاسماء دى يقولك: معهد واشنطن الدولى قال بالتعاون مع مؤسسة التدريب والعلوم العصرية ده من ضمن بتوع بير السلم , مركز كامبيردج للعلوم والتكنولوجيا  - مركز صفت اللبن لتنمية مهارة الشباب ...الخ.

-         التحريف:  المراكز دى دايما بتطلق على كورساتها لفظ معين تقدر تعلم عليها من خلاله وهو يقولك " منحة مدعمة وبتخفيضات 70 % " أولا: المفروض لفظ منحة ده بيطلق على الكورسات المجانية فقط لا غير واللى مش بيندفع فيها ولا مليم غير كده كله نصب وهكلمكوا عن بعض المنح فى مصر ان شاء الله دلوقتى.

-         تكملة للنقطة اللى فوق فيه مراكز برضه بتحاول تغير من طريقتها انه يقولك هتدفع تأمين وهتسترده بعد انتهاء المنحة عادة لو مش مكان معروف بيكونوا نصابين يعنى فكك منهم خالص.

-         طالما المركز متخصص فى مليون حاجه خصوصا لو مركز مش مشهور يبقى نصابين ومش هتستفاد حاجه منه نهائيا.

-         الورق اللى بيتم توزيعه داخل وخارج الجامعة لمنح وكورسات بفلوس كلها نصب فى نصب.

-         التنمية البشرية اللى بيتم الاعلان عنها كل يوم فى ورق يتوزع عليك فى الجامعة والحاجات دى مبقتش تأكل عيش والله ولا ليها لازمة نهائيا عاوز تتعلم تنمية بشرية صح انزل اتطوع فى اى مكان زى رسالة او صناع الحياة ...الخ هيفيدوك اكتر بكتير من لو اخدت مليون كورس من دول لانه ليس له قيمة وبأكد على كده.

-         نيجى بقى للشهادات عقدة الشعب المصرى: ببساطة تيجى تقول لواحد انا رايح اخد كورس فى المكان الفلانى , اول سؤال بيسألهولك هناخد شهادة دون ان يسأل هل هستفاد او هل المركز كويس ..الخ , ببساطة ايضا والله الشهاداة دى ولا ليها اى لازمة طالما انت مش استفدت حاجه من الكورس ده من الاخر لو شايف نفسك مش استفدت من الكورس قطع الشهادة بتاعته وريح نفسك احسن , ناخد مثال نوضح بيه ليه الشهادات مش مهمة : كمثال لو رايح اعمل انترفيو وانا واخد شهادة من الجامعة الامريكية تثبت انى بعرف انجليزى زى الفل وجيت بتكلم فى الانترفيو مش عارف انطق الحروف اساسا هل الشهادة تثبت انى بعرف اتكلم ولا كلامى هو الدليل , مثال تانى: الكمبيوتر شهادة زى الـ ICDL  دليل انى بعرف على الكمبيوتر ولا لما اقعد اشتغل فعليا على جهاز.

-         نصيحة: ماتستعجلش فى موضوع انك تاخد كورسات بمعنى مش اى كورس يقابلك تاخده او تجرى وراه بمعنى اخر فيه اساسيات لازم تشتغل عليها ان شاء الله وهى كالأتى وبالترتيب ولازم تشتغل عليها ان شاء الله: الانجليزى الاول لازم يتظبط وبعدين السوفت اسكيلز ثانيا وبعدين التخصص بتاعك ثالثا ان شاء الله.

-         اخيرا: والله ممكن تاخد كل الكورسات اللى انت عاوزها وبمستويات عالية جدا ببلاش من غير ولا مليم بس انت تفرق وتعرف تجيب الحاجات دى ان شاء الله من خلال متابعة الجروب بتاعنا Productive Youth Group وتستفسر عن كل حاجه نفسك فيها والتيم كله هيفيدك ان شاء الله.

لو عاوز تاخد كورسات كويسة ذات قيمة علمية كويسة تستفاد منها حقيقية:

-         الجامعة الامريكية بالقاهرة.

-         المركز الثقافى البريطانى.

-         مؤسسة التعليم من اجل التوظيف ( منح مجانية تماما ).

-         منحة الاديو ايجيبت ( مجانية تماما تبع وزارة الاتصالات ).

-         مركز نوليدج Knowledge بيقدم منح مجانية تماما وده بالتنسيق مع وزارة الاتصالات.

-         منحة الـ 9 شهور ITI  تبع وزارة الاتصالات ايضا ( مجانية تماما ).

-         المعهد المصرفى المصرى.

-         فريق معا ( محاضرات اسبوعية مجانية ).

-         انشطة طلابية فى جامعة القاهرة وعين شمس والجامعة الامريكية ( بتقدم كورسات ومحاضرات مجانية ).

-         انشطة طلابية فى جامعة الزقازيق ( هتلاقينا فى MYG وطلبة كلية هندسة وانشطتهم ).

-         ممكن تتعلم كل حاجه من على النت ( عندك الكنز وهو اليوتيوب او مواقع كتيرة للتعلم الذاتى من خلال الانترنت ).

-         وفيه اماكن كتيرة جدا تابعوا الجروب وان شاء الله كل المنح اللى ببلاش وتحتها مليون خط واللى مستواها عالى جدا وتحتها مليون خط برضه هتلاقونا بنزلها دايما ان شاء الله.

اللهم قد بلغت اللهم فأشهد

سبحانك الله وبحمدك .. سبحانك الله العظيم

تحياتى: محمد صبرى السلامونى

Unknown

6:59 PM

Read More...

للباحثين عن وظيفة..تكلم حتى أراك.

من الاخر خليك ( معناوى ) ؛ واحضر ف معا ونفذ كلام معا 

؛ وده نص المقال ل الكاتب ( مصطفى نجيب ) بالتوفيق ان شاء الله للجميع 

مؤخرا، انتهيت من قراءة كتاب "التسويق الداخلي"، وهو كتاب مشوق و مفيد بالأخص للمبتدئين في مجال التسويق في الشبكات الاجتماعية. قرائتي للكتاب كانت مثمرة ، وخرجت منها ببعض الأفكار التي أحببت أن أشاركها معكم بالعموم و مع من يبحث عن وظيفة بالخصوص.

هل تعتقد أن الطرق القديمة في البحث عن وظيفة مازالت فعالة؟.....أنت واهم!....تابعني لتعرف لم أنت واهم. الإشتراك في المجموعات البريدية، صفحات الفيسبوك، وازعاجك لأصحاب الشركات بسيرتك الذاتية واغراق بريدهم الوارد برسائل منك لن يجدي..! والأسباب:

• معظم الخريجين –بما فيهم أنت- يفعلون الشئ ذاته، اغراق صناديق بريد أصحاب الأعمال بسيرهم الذاتية، مما يخلق لدي أصحاب الأعمال ردة فعل عكسية ومبدئيا ما سيفعله صاحب العمل كي يمنع طوفان الرسائل عن بريده، هو مسح رسالتك، ثم وضعك في قوائم سوداء!
• معظم أصحاب الأعمال، يفضلون متقدمين لشغل وظائفهم الخالية، من دائرة معارف الموظفين الفعليين في الشركة، وغالبا ما ينال الشخص الذي له دائرة معارف أوسع فرصة مقابلة شخصية، وفرصة عمل.

بالقطع أنت لا تريد أن تصبح مجرد سيرة ذاتية أخري تضاف إلي أكوام السير الذاتية الأخري في قسم الموارد البشرية ،ولا أن تصبح مجرد رقم من الأرقام التي تتقدم لشغل وظيفة تلو الأخري، طريقك الوحيد لنيل وظيفة هو بناء جسور الثقة بينك و بين أصحاب الأعمال المحتملين، فلا تدري من منهم سيصبح رئيسك ،أو زميلك في المكتب.

باتباعك الخطوات القادمة ستكون قد دربت نفسك بصورة كبيرة علي كيفية قنص وظيفة، بالطبع الخطوات ليست مضمونة مائة بالمائة، لكنني أؤمن وبشدة في فعاليتها.

• أجب عن السؤال الأهم:

• بم أنت شغوف؟

• المبيعات.
• التسويق.
• شبكات التواصل الاجتماعي .
• الترجمة.
• الكتابة.
• السياسة.
• البرمجة.
• البحث و التطوير.
• اختبار البرمجيات.

حددت شغفك؟.....هيا إلي الخطوة المقبلة...

• استخدم المدونات ، اشترك في نقاشات....

• المدونات سلاح لا تستهين به!

• ابحث عن المدونات التي تهتم بشغفك، التي تكتب عما تجيد أنت فعله، ويمكنك استخدام موقع مثل "تكنوراتي" لتتمكن من ايجاد المدونات التي تطرح موضوعات تهتم بها، أو ترغب في أن تطور نفسك فيها.
• استخدم الخلاصات RSS Feed لتتمكن من متابعة أحدث التدوينات في الموضوعات التي تهتم بها، وهي تقنية عظيمة تمكنك من متابعة التدوينات دون زيارة المدونات بشكل دوري.
• استخدم أداة مثل قارئ جوجل للخلاصات Google Reader لتمكنك من تنظيمها وترتيبها بشكل دوري.

• اشترك في نقاشات....

• خصص ساعة يوميا لقراءة خلاصة ما تابعته من مدونات.
• اسمح لنفسك بالنقاش مع أصحاب المدونات، اكتب ما يدور ببالك، علق لتدلل علي اهتمامك بما يكتبون من موضوعات ولا تجعل تعليقاتك من نوعية "تدوينة رائعة"، بل اجعل تعليقاتك بداية لنقاشات مثمرة بينك و بين كاتب المدونة، أو اجعلها تضيف لقيمة الموضوع نفسه.
• أغلب المدونات تسمح للمعلق بأن يضع رابطا للتعريف عن نفسه، ليكن رابطك لمدونتك الشخصية، أو لموقعك الالكتروني، فإن تعذر وجودهما، فاجعل الرابط لصفحتك علي موقع About.me أو لحسابك الشخصي في Twitter. أنا أفضل About.me لأنه يسمح لك بمعرفة عدد زوار الصفحة الخاصة بك.

• احصل الآن و ليس غداعلي مدونتك الشخصية...

• الحصول علي مدونة احترافية هو أداة مهمة لحضورك الالكتروني، وهي تعبر عن شخصيتك، لذا يجب عليك أن تصغي للنصائح القادمة:
• اختر اسما معبرا، وتصميما احترافيا للمدونة.
• اختر عناوين جذابة، فكما يقال، يجب عليك أن تستثمر نصف وقتك في اختيار عنوان لتدوينتك و النصف الآخر في كتابة محتوي التدوينة.
• اكتب عما يثير اهتمامات الناس في الآونة الأخيرة، أو اعرض مشكلات و اطرح حلولا لها.
• أتح التعليقات بدون رقابتك المسبقة، و رد عليها جميعا بلا تفرقة، دورك يتلخص في أن تشعر متابعيك بأنك واحد منهم، وليس محاضرا يلقي عليهم النصائح من فوق برج عاجي.
• كن صبورا، التدوين كالشجرة، لا تثمر بمجرد غرس البذور، وبمرور الوقت ستكتشف ماهي الموضوعات التي تعجب قرائك وما الذي يجذبهم لمتابعتك.
• لا تنس أهمية إتاحة نشر تدويناتك علي مواقع التواصل الاجتماعي (تويتر ،فيسبوك ،جوجل بلس).
• أتح المتابعة من خلال البريد الالكتروني، ومن خلال خلاصات التدوين RSS، ليعرف متابعوك ماهو جديدك دائما.
• ضع روابط في تدويناتك ستفيد القارئ علي فهم موضوعاتك بشكل أكبر.وضع الروابط سيفيدك أيضا في محركات البحث، حيث ستحتل مدونتك مكانة أعلي من خلال الروابط التشعبية التي وضعتها لزوارك.
• دوّن بشكل دوري "اسبوعيا – نصف شهريا - شهريا"، وتذكر أنك اذا دونت بشكل دوري فسيتحول التدوين إلي عادة لديك، وهو ما تريده بالقطع.

• تويتر.

• وصلنا إلي جزئي المفضل! فبين جنبات مواقع مثل (تويتر و لنكد إن) تقع فرص كبيرة، لكن العديد من الناس لا يقدرون تلك الفرص!
• ابدأ بتسجيل حسابك الشخصي:
• اختر صورتك الشخصية بعناية، اختر واحدة ذات جودة عالية تظهر وجهك بوضوح.
• خير الكلام ما قل و دل، اكتب ما يعبر عنك في حدود ال160 حرفا.
• ضع رابطا إلي موقعك أو مدونتك الشخصية.
• تابع من يعملون في نفس مجال عملك، وكن دوما مبادرا بالحديث.
• اكتشف قوة القوائم في تويتر.
• القوائم في تويتر هي تقنية تمكنك من متابعة العديد من المغردين في ضغطة زر، عن نفسي فقد بادرت بترتيب المسوقين ورواد الأعمال في قوائم منفردة لأتمكن من متابعة تغريداتهم بعيدا عن ضجيج الشريط الزمني في تويتر.بادر أنت أيضا بترتيب قوائمك الخاصة لتستطيع متابعة تغريداتهم و الرد عليها.

• يوتيوب

• الغالبية العظمي من سكان الإنترنت تفضل الفيديو عن النصوص أو الصوت، ويوتيوب هو أداة قوية لصناعة و تحرير الفديوهات.
• تابع القنوات التي تنشر الفيديوهات التي تفضل.
• متابعتك للقنوات التي تفضل، تمكنك من التعليق و مشاركة الفيديوهات التي تهتم بها وتمكنك من التواصل مع الشركات و ريادي الأعمال.
• انشر فيديوهاتك.
• كتاب قرأته مؤخرا، حقيقة مسلية، حل لمشكلة خطرت ببالك، كلها أشياء تستحق أن تسجل عنها مقاطعك، وترفعها ليشاهدها العالم أجمع، لكن قبل أن تبدأ ببث فيديوهاتك انتبه!
• تمرن قبل أن تنشر"في الإعادة الإفادة".
• جودة الفيديوهات مهمة...تحر الدقة في عملك واستخدم كاميرا رقمية ذات جودة عالية ولا تبخل علي متابعيك بجودة عالية في الصورة والمحتوي معا.

• فيسبوك

• جعجعة بلا طحن، هذا هو حال أهل الفيسبوك،فهم في جدال دائم وحديث دائم، بالتأكيد ليس هو الأداة المثلي للبحث عن وظيفة، لكنه بالتأكيد قد يكون الأداة الأكثر فعالية في تلقي التحديثات من شركات و أشخاص بالقطع قد تهتم بهم و بمعرفة أخبارهم.
• قد تعجب يوميا بمئات الصفحات ولديك المئات من الأصدقاء، وبالطبع صفحتك الرئيسية في فيسبوك لن تظهر أخبار كل من تهتم بهم، لكن من خلال تفاعلك اليومي معهم، وبناءا علي الخوارزمية التي يقوم عليها فيسبوك، فإنهم سيظهرون و بانتظام في صفحتك، وفي شريط التحديثات الجانبي Ticker وفي شريط الأخبار News Feed.
• الصفحات التي قمت بمتابعتها، يجب عليك زيارتها يوميا أو بانتظام حتي يتسني للفيسبوك معرفة أنك تهتم بها فتظهرلك بانتظام تحديثاتها و أخبارها هي الأخري.

• لينكد إن

• أنشئت حسابي علي موقع لينكد إن منذ أعوام ، لكنني لم أفهم فائدته أو قيمته إلامؤخرا، عندما قررت استثمار بعض الوقت في فهم كيفية عمله، واستخلصت أن فهم كيفية عمل لينكد إن سيساعدك كثيرا علي الحصول علي وظيفة أحلامك و بدء حياتك العملية.
• أكمل ملفك الشخصي: أظهرت الإحصاءات أن الملفات الشخصية المكتملة تظهر في نتائج البحث بمرتبة أعلي من مثيلاتها التي لم تكتمل بعد 95% مثلا "لاحظ أن المهتمين بالبحث في موقع لينكد إن هم الموارد البشرية والباحثين عن موظفين جدد".
• لا تنس مهاراتك الشخصية وخبرتك السابقة.
• لا تنسي أنشطتك التطوعية.
• انتبه إلي:
• عنوان احترافي قد يوفر عليك الكثير من العناء، فاحرص علي أن يصفك ببلاغة وبايجاز، ومن المفضل أن تكتب عنوانك "طالب وظيفة"، ليتسني لمن يبحث عنك أن يجدك.
• الملخص:كما أسلفنا فإن خير الكلام ما قل ودل، احرص علي أن يكن ملخصا شاملا و وافيا و معبرا عنك بل وجاذبا لمن يتصفح ملفك الشخصي أن يكمله لنهايته.
• أضف بعض الناس.
• أضف كل معارفك، زملاء الدراسة، أصدقاء من الشبكات الاجتماعية.
• اسمح ل لينكد إن بأن يستخدم بريدك و يرسل بالدعوات لكل جهات الاتصال في بريدك.
• ضف مديرو الموارد البشرية في الشركات المختلفة، لكن انتبه، لا تقم باضافة عدد كبير من جهات الاتصال في وقت واحد فقد يعتبرك الموقع مصدرا للإزعاج ويقم بحذفك.
• اطلب توصيات من أرباب عملك السابقين.
• التوصيات من أرباب العمل السابقين في منتهي الأهمية، والجهة التي تتقدم لها بالعمل، غالبا ما تهتم بالسؤال حول المتقدم لها اذا كان من مؤسسة أخري، شبّك مع رؤسائك السابقين، واطلب منهم توصيات ولا تتردد.
• تفنن في أن تتعرف علي الآخر.
• اذا قمت رأيت أحدهم و تود أن تتعرف عليه، وللصدفة وجدت بينكما صديقا مشتركا، فاطلب من هذا الصديق أن يقم بتقديمكما لبعضكما، طريقة سهلة و سريعة ولن تستغرق منك سوي بضع ضغطات فقط.
• انضم للمجموعات تهتم بمجال عملك.
• يتمتع موقع لينكد إن بخاصية المجموعات، التي تتيح للأشخاص ذوي الاهتمامات المشتركة، ومن يعملون في نفس المجال التواصل.
• انضم للمجموعات وكن عضوا نشطا فيها.
• قم بمناقشة موضوعات تثير اهتمام الأعضاء.
• علق علي موضوعات الأعضاء الآخرين،واحرص أن تكن تعليقاتك مفيدة.
• قدم يد العون لمن يحتاج إليها.
• أسئلة لينكد إن.
• لينكد إن يسمح لك بطرح الأسئلة و تلقي الإجابات من الأشخاص الذين قمت بالتشبيك معهم، استخدم هذه الخاصية لتوفير المساعدة للآخرين واكتساب الشهرة و تلقي النقد، قم أيضا بمتابعة الأسئلة التي تهتم بها، وشارك في الموضوعات التي تثير اهتمامك، لتصبح مطلعا علي ما يدور حولك.

• أكمل الضلع الناقص.

• وفر طريقة سهلة للإتصال بك، في حال رغب أحد أرباب العمل في التشبيك معك.
• قم بعمل ما يشبه "بطاقة الأعمال" ، لكنها ستكون افتراضية بالطبع و أقترح عليك أن تستخدم موقع About.me أو صفحة اتصل بي علي المدونة الشخصية.
• أضف رابط صفحة جهات اتصالك إلي توقيعك في البريد الإلكتروني.

• أنشئ سيرتك الذاتية باحترافية.

• يرسل أغلب الناس سيرهم الذاتية لأرباب الأعمال من دون عنوان مناسب أو كلمة في الرسالة، أعتبر هذا التصرف نوع من الوقاحة، ولا أنظر إلي سيرهم الذاتية، كما أنهم يرسلون نفس الرسالة لجميع الناس، وهذا أيضا خطأ شائع.
• لا يوجد عصا سحرية تعامل بها كل الناس، ولا توجد رسالة واحدة ترسلها إلي كافة مديري الموارد البشرية، تحل ببعض الكياسة واعط كل ذي مقام مقامه!
• تميز، فإن كانت رسالتك هي نفس الرسالة التي أرسلها غيرك، فما الذي يميزك عنه؟
• "إنا جعلناكم شعوبا و قبائل لتعارفوا" ، خلقنا لنتواصل، كن انسانيا في تواصلك مع الناس، واعلم أنك تأسر قلوب الناس بحسن البيان و بليغ الخطاب.

وصلنا لنهاية التدوينة ، والخلاصة أنك ان اتبعت الخطوات بالأعلي فسيكون لك حضور الكتروني قوي، لذا أرجو من مَن قرأ وأعجبته أفكاري، أن يجربها، ويبلغني بنتيجتها، كما أرجو من من لم يعجبهم أن يتواصلوا معي، فتواصلكم معي شئ يشرفني.ولا تدعها تقف عندك، فربما كانت السبب في تغيير حياة أحدهم دون أن تدري.

بين يدي التدوينة:

• بين يديك خلاصة تجربتي، فإن قررت تطبيقها أرجوك أن تتمهل حتي تؤتيك ثمارها، وأنصحك أن تجرب لمدة ثلاثة أشهر، ثم تحكم علي النتائج.
• الفنان الحقيقي منتج –ستيف جوبز
• تابع الكتابة، تابع القراءة،التدوين،التشبيك،البرمجة،تابع كل أنشطتك حتي وإن ظهرت بها أخطاء، فأخطاؤك دليل علي أنك تتعلم و تجرب، بغض النظر عن التجربة، فلا تسع للكمال و إلا ستصاب بالإحباط، واصل العمل، ولا تتوقف مهما كانت جودته.
• اذا لم تعلم ما هو شغفك الحقيقي، اصنع لنفسك قائمة بالأشياء التي تتصور نفسك تفعلها يوميا، جرب أن تفعل شيئا واحدا منها كل مرة، حتي تتقلص قائمتك وتعرف شغفك الحقيقي أين يكمن.
• لا تكن لحوحا لجوجا
• نصحتك بالتشبيك مع رواد الأعمال و أربابها، لكن توسط، لا تزعجهم فيحذفوك من قوائم صداقتهم، ولا تلح عليهم في طلب الوظيفة وتذكر أن بناء جسور الثقة يستغرق وقتا فلا تتعجل.
• اقرأ تدوينتي من العام الماضي: لماذا لم تحصل علي وظيفة.
• إطلع علي مناقشة تمت بيني و بين صديق أعتز به هو محمود مجدي في الرابط التالي، ستفيدك كثيرا.
• جرب موقع "كاريرايز"
  وهو موقع ممتاز في التوظيف قائم علي التوصيات التي تتلقاها و التي تساعدك في الحصول علي وظيفة

Unknown

8:41 AM

Read More...

6 خطوات سهلة تساعدك تتغلب على ضغط الشغل

طبعا ضغط الشغل بشع ، بيأثر على نفسيتك ويتعبها وممكن يخليك تهب فى اى حد معدى قدامك وقال كلمة ملهاش لازمة بس انت كنت ممكن تعديها فى اى وقت تانى و تفضل طول ايام الشغل كأنك فى نار.

لا لا كفاية كده ،اظن لازم يكون فىه حل.

هنقدملك بعض الخطوات الى لو حاولت تطبقها من بكره والايام الى جايه هتساعدك كتير انك تتخلص من ضغط الشغل الى انت شايله على كتفك لأنك لو مش مصدق انه ممكن يخرب حياتك، تبقى غلطان جدا.

1. بطل القهوة : عارف هتقول ايه، ازاى؟ دى القهوة فى دمى، ودى بالظبط هى المشكلة. مادة الكافيين الى فى القهوة عامله بالظبط كأنها مادة توتر سايلة، فى نفس الوقت الى بتزود انتاج ماده الادرنالين فى الدم كمان بتقلل افراز مادة الادينوساين وهى مهدئ طبيعى بيفرزه المخ. دكتور دافيد بوزن وهو خبير فى التوتر ومؤلف كتاب" ازاى تغير لعبة خسرانة لمكسب" بيقول"على حسب علمى يعد الاقلاع عن الكافين من طرق تقلبل التوتر الاكثر فعاليا." ده كمان دكتور بوزن بيقول ان 75% من المرضى بتوعه الى بيشربوا قهوة منزوعة الكافين بيحسوا فعلا انهم هادين اكتر ومش هتصدق كمان بيحسوا ان حيويتهم ونشاطهم زادوا و ده بسبب انهم بقوا بيناموا احسن. وعشان تتجنب الصداع الى هيجيلك لما تبطل الكافين، دكتور بوزن بيقترح انك تقلل بالتدريج، يعنى قلل فنجان قهوة كل مرة والافضل تبتدى بآخر فنجان بتشربه فى اليوم.
2. كلمة السر هى النظام : لو سألت دافيد الن وهو مؤلف كتاب" انجاز الاشياء: فن النجاح فى عمل شئ بدون توتر" ايه اكتر حاجة تقضى على ضغط الشغل؟ هيقولك علطول: النظام ، فى رأيه " النظام هو اكتر حاجة محتاجنها واكتر حاجة ناقصة." حتى ابسط عادة هتعملها عشان تنظم وقتك ممكن بالتراكم توفرلك ساعات كتير من وقت شغلك وطبعا لما توفر وقت ويكون عندك وقت زيادة ده بيقلل ضغط الشغل. بالنسبة للخبير دافيد الن اكتر حاجة فعلا بتنظم له وقته هى " مراجعة آخر الاسبوع" يعنى بيراجع اميلات الاسبوع وايه الى انجزه خلال الاسبوع، بالنسبه له ده " احسن وقت بيقضيه" لأنه بسبب العاده دى مش بيحس ابدا انه مجهد او مرتبك فى بداية الاسبوع الجديد.
3. راقب نفسك : لو فجأة انتبهت ولقيت ضهرك محنى على لوحة مفاتيح الكمبيوتر الى قدامك وكتفك بيوجعك جدا وانت بقالك كده فترة و مش حاسس بنفسك يبقى فى مشكلة ولازم تراقب نفسك زى ما الباحثين فى جامعة فرجينيا الغربية اكتشفوا ان مستويات التوتر قلت عند 54% من الناس بعد ما بدأوا برنامج تنبيه العقل لمده شهريبن، والبرنامج ده ببساطة معناه انك تنتبه اكتر لاعراض التوتر، زى الم شديد فى العضلات و التفكير المرتبك.طبعا هتقول ولسه هستنى شهرين؟ الخبر الحلو زى ما دكتور كيمبرلى ويليمز الى عملت الدراسة دى بتقول هو انك مش محتاج تكمل الشهرين كلهم، اى تعديلات صغيرة ممكن تؤدى لفوايد اكبر . يعنى خلى بالك من حاجات زى مش قادر تفكر كويس او عندك صعوبة فى التنفس او الم فى الكتف، دى كلها علامات انك مضغوط فى الشغل.
4. اعمل تمارين بسيطة : استشارى العلاج الطبيعى نيل تشاسان بيقول اننا لما بنكون متوترين بنمد جسمنا للامام عشان نركز فى الى بنعمله وده بيخلى عضلات الرقبة واسفل الظهر يبذلوا مجهود اكتر و هم اساسا عضلات صغيرة. طيب انت قاعد لازق على مكتبك مش قادر تتحرك عشان عندك شغل ، تعمل ايه؟ تشاسان عنده تمرين بسيط ممكن تعمله بسرعة وانت قاعد على مكتبك و هو:اشبك ايديك الاتنين ورا رقبتك وضم كتافك على بعض وبعدين خلى راسك تنزل لتحت شويه بحيث دقنك يكون قريب لصدرك وفى نفس الوقت خلى كوعك اليمين والشمال قدامك مع بعض وبعدين انزل براسك شويه لتحت، خليك كده ثوانى وبعدين فك ايدك. كرر التمرين ده من 6 ل 8 مرات كل ما تحس بالم فى كتفك.
5. خد فيتامينات : فى دراسة فى جامعة برمنجهام البريطانية شملت رجال من سن 18 ل 42 سنة، وجد الباحثين ان الرجال الى اخدوا يوميا فيتامينات مركبة من فيتامين سى و بى، قل معدل التوتر والقلق عندهم بنسبة 21% وكمان قالوا انهم حاسين بتعب اقل وتركيزهم اصبح اعلى. و زى ما البحث وضح ، السبب فى كده فيتامينات سى و بى بتساعد على تقليل اضرار التوتر.
6.  واخيرا حاول تاخد 5 دقايق على الاقل من وقتك واعمل حاجة تضحكك.

http://www.menshealth.com/mhlists/beat_work_stress/index.php

Unknown

3:46 PM

Read More...

Cv عن cv يفرق

عادةً هتفتح الوسيط تلاقي اعلان كبير " تعلم فن كتابة el-CV " و يحسسك بعديها إن ده املك الوحيد ومش هتعرف تشتغل من غير ماتشترك معاهم في الدورة العظيمة ده اللي بتبقى على يد " برنس ال cvihat "

الحقيقة إن الموضوع أبسط من كده ... وده اللي هنتكلم عليه النهردة
ال cvده عبارة عن interview ... بس من نوع خاص ... interview هيخلص في 30 ثانية ...
وإنت بتكتب ال cv بتاعك لازم تحط في دماغك حاجة واحدة بس .. " ازاي اقنع واحد إني انفع اشتغل معاه في 30 ثانيا "

ده مفتاح أي cv ناجح ... حُط في دماغك إن اللي هيقرا ال cv بتاعك هيبقى أدامه أكتر من 100 cv كمان .... ازاي إنت تفرق عنهم ؟؟

اللي يقولك ال cv ملوش غير طريقة واحدة مابتتغيرش فكك منه ... بالعكس تماما ... كل cv يفرق عن التاني ... ده إنت نفسك ممكن يبقى عندك أكتر من 3 cv وكل واحد فيهم مختلف عن التاني
ديه شوية حاجات هتساعدك وإنت بتكتب الcv :
- تاريخ الميلاد والديانة ومعاك رخصة ولا لأ معلومات ماتتحطش في أول el-cv .... ده تتحط اخر حاجة خالص لأن 90% من اللي هيقدموا متشابهين جدا في الحاجات ده ...
- لو هتكتب objective يا ريت تفكر فعلا إنت هدفك إيه وبلاش تجيب جمل محفوظة من علnet عشان هتلاقي نفس الكلام اللي إنت كاتبه غيرك كاتبه " على فكرة كله عنده google search "
- من حقك تبدأ بـال education أو ال experienceحسب إنت شايف انهي فيهم أجمد من التاني وحسب ال qualificationsالمطلوبة في الوظيفة ... يعني لو في الوظيفة طالبين MBA وإنت عامل MBA أو قربت تخلص يبقى حُط ال education الاول .... لو طالبين خبرة في مجال معين وإنت كنت شغال في المجال ده يبقى حُط ال experience الاول ...
- لازم تتأكد إن مفيش أي غلطات املائية ...
- كل اللي هـتكتبوا يكون على هيئة نقط ... ده مش موضوع تعبير ... النقط تخلي الموضوع اسهل بنسبة للي هيقرا ال cv
- لو هـتحط صورة حطها وجرب اطبع ال cvابيض واسود واتاكد إنها واضحة ... لو مش واضحة يبقى حطها ابيض واسود من الاول
- لو هـتبعت الcv على el email لازم يبقى PDF .... لو معرفتش PDF وهتبعته word اتاكد إنه هيفتح مع أي office version
- ال website ده هيساعدك تعمل cvبسهولة .... بس برده بعد ماتخلص غير في شكل الcvوترتيب المعلومات زي ماتشوف إنه مناسب وحسب متطلبات الشغلانة

Unknown

3:46 PM

Read More...

خطوات تساعدك فى مقابلة شغل

عندك مقابلة شغل؟

بص يا عزيزى ، لما تقابل حد ممكن يكون مديرك فى المستقبل هتلاقى انك بتتقيم من قبل ما تفتح بقك. فشوف الخطوات دى عشان تساعدك تنجز المقابلة و تقدر تستخدم الوقت المتاح ليك بحكمة.

1. فى بداية المقابلة وقبل اى كلام هتلاقى الشخص الى بيعملك المقابلة بيقيمك مع نفسه كشخص جديد لسه بيشوفه لاول مرة وبيدور على أدلة عشان تدعم انطباعه عنك زى ما بيقول دكتور جيت ليندجارد من جامعة كارلتون فى اوتاوا. وطبقا لدراسة فى مجلة الشخصية وعلم النفس الاجتماعى، الناس بندى اهتمام للراجل الى بيبين انه مسيطر ، يعنى خلى مظهرك يبين انك شخص بارز ومتميز بس مش بدرجة زيادة عن اللزوم يعنى مثلا :زراير اكمام القميص ، دبوس الكرافات، منديل جاكت البدلة او كرافات غير تقليدية. مظهرك الانيق هيضمن لك موافقة مبدئية.
2. الانطباع التانى عنك هيبان من سلامك على الشخص الى هيعمل المقابلة معاك. فطبقا لاستطلاع رأى عملته الجمعية الوطنية للكليات واصحاب العمل سنة 2006، وجدوا ان لو قبضة ايدك ضعيفة فى سلامك على حد ممكن يكون صاحب المكان الى هتشتغل فيه هتدى انطباع اسوء من لو كنت عامل تاتو او قصة شعر غريبة اما القوة فى سلام الايد بتدى انطباع بالحيوية والنشاط زى ما بيقول الباحثين فى جامعة نيويورك فى نتائج ابحاثهم الى بتدعم الاعتقاد بأن قوة قبضة اليد قد ترتبط وراثيا مع اللياقة البدنية.اذن وانت بتسلم على الراجل فى المقابلة خلى معصم الايد والذراع فى وضع افقى قدامك عشان سلامك يكون فى اكبر قدر من القوة الملائمة طبعا، اما لو معصمك كان معوج شوية فده هيقلل من قوة قبضة الايد.
3. ما تقلقش لو حسيت انك متكلمتش كتير. فى دراسة مهمة بتقول ان الناس الى فعلا اتقبلوا فى الوظيفة اتكلموا دقيقتين اقل من الشخص الى عمل معاهم المقابلة.ممكن تسأل سؤال محفز يعنى مثلا تسأل عن اخر مشكلة واجهت الفريق الى هتشتغل معاه فالشخص الى قدامك هيبدأ يتكلم معاك عن الشغل وانت تكون عندك فرصة تعرفه مهاراتك فى حل المشاكل.
4. الباحثين فى جامعة كاليفورنيا بيقولوا ان المحاور النموذجى يقدر يقيم صدقك بدقة كبيرة فى 10 دقايق من وقت المقابلة. ومع ذلك حوالى 75 % من المتقدمين لوظائف بيكدبوا وذلك طبقا لدراسة فى مجلة علم النفس التطبيقى فى سنة 2007 . اذن الافضل لك انك تقول الحقيقة وتقاوم فكرة انك تتصرف بطريقة تخلى شكلك حلو قدام الناس زى ما الدراسة بتحذر، يعنى بلاش فكرة انى لا اكذب ولكنى اتجمل دى لأن فرص النجاح بتقل بنسبة التلتين لما المتقدم لوظيفة بيحذف تفاصيل معينة او يتكلم كأنه عمره ما فشل فى حياته او يخفى حاجة محرجة. لأن المشكلة ان كل الحاجات الى خبيتها او حذفتها من كلامك لو ظهرت بعد حصولك على الوظيفة هيكون الضرر عليك مضاعف.
5. الناس المسئولة عن المقابلات ممكن جدا ميفتكروش اجابات الاسئلة بالنص بس اكيد هيفتكروا طريقة الاجابة، يعنى خليك محدد.كارول مارتن مؤلفة كتاب" ارفع معدل ذكاء مقابلاتك" بتقول ان المحاور فى المقابلة بيدور على امثلة توضح ازاى انت هتشتغل فى المستقبل. يعنى المطلوب منك انك تيجى المقابلة وانت محضر حكايات وامثلة ممكن تدخلها فى اى رد على سؤال عشان تبين قدراتك القيادية و مهاراتك فى التواصل وصدقك.

http://www.menshealth.com/mhlists/job_interview_strategies/

Unknown

3:45 PM

Read More...

ازاي تخلي مديرك مايستغناش عنك؟؟؟

السؤال الذي أفنى أعمار، ودمر أجيال، وحير العقول !! وكأنك بتسأل بكل براءة، ازاي أنفذ المستحيلات السبعة في نفس واحد.
طبعا هتلاقي كتب بالهبل بقى تقولك كن مثالي وكن منضبط واشنق نفسك كل يوم وولع في مراتك وعيالك عشان سعادته/ها ينبسطوا، لأ هيهات ثم هيهااات، احنا هنا بنقف على أرض الواقع، خلاصة الخلاصة بقى ومن الاخر خد الكام نصيحة دول وادعيلي:

أولا معاملة المدير الرجل حمادة ومعاملة المديرة الست حمادة تاني خاااالص، ومفيش داعي أقول لو مديرتك واحدة ست "خاصة انسة" يبقى تراجع علاقتك بأمك عشان أكيد داعية عليك من قلبها.

المدير الرجل:
- جوزك على ما تعوديه: بمعني من أول يوم افرض شخصيتك وماتخافش تقول لأ، خلي قلبك ميت
- ماتخافش تعرض رأيك مهما كان مختلف طالما في مصلحة العمل (مش في مصلحتك انت يا نمس عشان الحاجات دي بتتفقس وهتبقى بلاك ليست في لمح البصر).
- مانحاولش تفاتح مديرك في أي موضوع خاصة الأجازات في الحالات الاتية: لو هو جعان، مراته منكدة عليه، مديره مديله دش بارد.
غير كدة توكل على الله، وماتفاتحوش برضه.
-كن لطيف مع زملاء العمل: ده قدام مديرك بس، أول مايمشي ولع فيهم بجاز.
-انزل معاه القهوة بالليل: ودي أهم من كل الي فات، القهوة دي كنز لا يفنى ونعيم لا ينضب ومفعولها كالسحر، طب لو مالوش في القهاوي؟ علمه، خد بإيده وضيعه (لأ بلاش حشيش في المرحلة دي خليها وقت التقييم السنوي). وانت سهران معاه هتعرف معلومات كتير زمايلك ما يعرفوهاش، ممكن تسخنه على زميلك اللي انت مش طايقه، تفاتحه في ترقية بعد ما تكون حكيتله قد ايه الحياه صعبة بعد البامبارز ما غلي، بكدة هتكون انت فشى التاتة الأول عنده، وأوعى تديله فرصة يقرب لحد غيرك، اعمل عليه كماشة....اه ابقى اعزمه على كرسي معسل بلاش بخل، كله عشان مستقبلك

المديرة الست: بالنسبة لرئيسة التحرير بتاعتنا "استثني نفسك خاااالص من الموضوع ده، دانتشي حبيبتشييي":
- المرأة الشبكة، والرجل الصندوق: دي نظرية مشهورة، يعني ماينفعش تكون مباشر وصريح بتاتا، لازم تلف وتدور عشان الستات دايما بيشككوا في نية أي موظف، أو نية أي كائن حي غير أحادي الخلية أصلا.
- تحسسها ان مالكش رأي ولا رؤية من غيرها وانها الكل في الكل وهي بطلة الحرب والسلام
-لما تكون شايفها هتخيش بالشركة وخلاص لا محيص انك تبدي أستغفر الله العظيم رأي، اتبع أسلوب حويط ومعقد، يعني شوف كل الحلول الزبالة اللي تودي ف داهية واطرحها وبصنعة لطافة بينلها عيوب كل مقترح، وفي الاخر خالص، قولها طب تفتكري لو عملنا كذا "أهو...رأيك أهو يا معلم"، ممكن ايه ال يحصل؟؟ وقبل ماتبدأ هي تفكر في أسباب فشل فكرتك انزل انت بأسباب نجاحها، وضيق عينك كدة وحسسها انك مركز وبتعصر مخك
-عاملها كأنثى قبل مديرة (حتى لو هي شبه النمر الأسود)، حسسها ان مين اللي أمه داعياله اللي هيتجوزها، أو ان مفيش حد يستاهلها أصلا وانها أكبر من انها تدفن مهاراتها وذكاءها مع مجرد راجل، مفيش مانع برضه تحسسها ان كل الرجالة في المكان عينهم منها، لو انت مش متجوز في احتمال نباركلك وساعتها أنا معرفكش، اتصرف.
-العب على نفسية الخصم، في أوقات تلاقي الستات اكتأبوا كده بدون أسباب ومش طايقين نفسهم ومحبطين، كن أنت الكتف الحونين، اسألها في حاجة معكرة مزاجها؟؟ هاتلها شوكولاتة واكتب عليها "عشان جالاكسي هي اللي بتخلينا نعدي كل ده"....ملحوظة: بالرجوع للنقطة السابقة أعتقد ده وقت تلبيس الدبل...ألف مبروك

وعلى غرار أسلوب الكابتن محمود بكر: واحد بقى يسألني انتي إيه مؤهلاتك عشان تنصحيني بخصوص حياتي العملية، ولهذا الشخص أقوله، مش عشان بقالي سنين بلعب دور المرأة العاملة، ولا اني إشتغلت مع مديرة ومدير، ولا اني بنت فا فاهمة حركاتهم النص D:كم...أبسولوتلي، أنا بس لسة مخلصة خناقة مع مديري وربنا وفقني وطلعت منها وان بيس "وده بجد"

Unknown

3:43 PM

Read More...

اتيكيت الفيسبوك: 36 معلومة لازم تعرفها!

كلنا عندنا ناس خنيقة في الفيسبوك نفسنا نشيلها بس امتى بقى نقدر نقول ان الناس دى بتهينّا على الفيسبوك؟
ده اللى حاول علماء من جامعة اريزونا يكتشفوه..استخدموا في أول دراسة ليهم 44 طالب عشان يحطوا قائمة ب36 قاعدة المفروض نخلي بالنا منها لما نستخدم الفيسبوك، وكمان عملوا دراسة تانية استخدموا فيها 593 شخص عشان يشوفوا ايه القواعد المهمة قوى اللى نخلى بالنا منها لما نتعامل مع اصدقائنا القريبين على الفيسبوك واللى نعرفهم معرفة سطحية واللى نعرفهم عن طريق حد صاحبنا.
لو اخدت بالك من الخطوات دى هتبقى نجم على الفيس بوك إن شاء الله 

1. قدم معلومات عن نفسك تخلى الناس تشوفك بطريقة كويسه وتضيفك. مبدئياً لازم متكونش مغفل او معتوه.. لو مش بتقول الكلام ده على لسانك في الحقيقة متعملش نفسك واد مبيهموش وتقوله على الفيسبوك. ماهو كده اتقال وكده اتقال، مش فارقة بقى فين.
2 و 3 و4
اوعى تحط اى حاجة ممكن تأذي اى حد من اصحابك سواء في شكلهم قدام الناس او في كاريرهم أو في الناس المرتبطين بيهم
5. اول ما حد يبعتلك رسالة رد على طول..
لا استنى رجعنا في كلامنا.. كده هيبان انك فاضي وملكش حياة وعايش على الفيسبوك.. رد بعد 15 ل30 دقيقة أحسن (إلا بقى إذا كانت بنت جامدة لازم ترد على طول)
6. توقع ان اللى هتحط عنده بوست على بروفيله هيرد على طول. صح؟ لأ يا حلو غلط!
ماهو ممكن يكون مش قاعد على الفيسبوك ..اديه فرصته ومتبقاش خنيق!
7. استخدم الprivacy setting عشان تقدر تتحكم كل واحد من اصحابك هيشوف ايه من بروفيلك
• خلى بالك ان العملية دي هتاخد وقت جامد
• ارجع لقاعدة رقم 1
8. اعمل شير للمعلومات المهمة مع الclose friends الأول
يعنى لو ناوى تتقدم لحبيبتك واخوك مسمعش بالخبر قبل ال1767 صديقا اللي عندك على الفيسبوك يبقى ليه حق لو جاب وشك مطرح قفاك.
9. امسح او بلوك اى حد بيحط اى بوست عندك يشوه صورتك
10. القواعد الاجتماعية العادية اللى بتستخدمها في حياتك هي برضه اللى تستخدمها على الفيسبوك
يعنى لو في العادي مش بتلبس قميص مفتوح لسرتك ..متحطش صور تكون لابس فيها قميص مفتوح لسرتك برضه.
11. خلى بالك مش كل اللى على الفيسبوك ملايكة
يعنى متتخدعش لما تشوف صورتها مزة وتقابلها في الحقيقة تلاقيها شبه عشماوي.
12. استخدم ذوقك العام في تعاملاتك على الفيسبوك (المفروض ده ميكونش قاعدة اصلا لو الواحد بيفهم!)
13. دقق في صورك قبل ما تحطها عشان تتاكد ان شكلك طالع فيها حلو (بس بلاش فوتوشوب كتير عشان هيبان ومنظرك هيبقى وحش)
14. قدم نفسك بصورة كويسة على الفيسبوك بس متحطش معلومات غلط.. خليك امين عشان الناس مش هبلة (على الأقل مش كلها) وهتكتشف كدبك وهيعملولك بلوك وفضيحة.
15. خلى بالك ان ممكن اى حد من اللى انت ضايفهم يشوه سمعتك على الفيسبوك.
يعنى المقصود:اوعى تستفز حد يعرف مصايبك عشان ممكن يجرسك.
16. استخدم الفيس بوك عشان تقوى علاقاتك بالناس، مش تهدها
17. ابعت تهانى باعياد الميلاد (الحاجات دى بتعجب البنات قووووووى)
18. لما العيد ييجي أقرب صحابك تعيد عليهم بره الفيسبوك. ابعت مسدج ولا ضحي ب6 صاغ تمن المكالمة احسن من مجرد نوتيفكشن على الفيسبوك (شكلك هيبقى وحش قوى قدامه)
19. استخدم الفيسبوك عشان تعرف اكتر عن الناس اللى تعرفها معرفة سطحية. لو بنت لسه متعرف عليها على الفيس شوف المعلومات على بروفيلها وكمان صورها هى مش هتقولك لأ (إلا إذا كانت عاملة الPrivacy Settings أعلى من مكتب وزارة الدفاع، وفي الحالة دي حظ أفضل المرة القادمة)
20. المعلومات الهبلة اللى تخصك متهمش حد تانى. يعنى هما مش هيستفيدوا حاجه لما يعرفوا انك اكلت ساندوتش لذيذ جدا النهارده او انك عند حساسية من القطط ..كل ده تضييع لوقت اصحابك
21. اتعرف على اصحاب اصحابك المقربين وضيفهم لو كنت واثق فيهم. لوحد متعرفوش في الحقيقة شخصياً سيبك منه.
22. اكتب على وول صاحبك كل شوية بس لو انت تعرفه في الحقيقة. لو حد متعرفوش كويس هيبقى شكلك وحش اوى ومتطفل.
23. ابعت رساله برايفت برضه للناس اللى تعرفها في الحقيقة وبس
يا إما هيبقى شكلك وحش و ....
24. علق على صور اصحابك لو تعرفهم بره الفيسبوك
يا إما هيبقى شكلك ...و...(خلاص فهمت انت أكيد)
25. شات مع الناس اللى تعرفها في الحقيقة
عشان مفيش emoticon للصمت الرهيب اللى هيحصل بعد ما تقول هاي لحد متعرفوش وخصوصاً لو واحدة مش واحد (مفيش برضه emoticon للقلم اللي حاتترزعه على خلقتك)
26. استخدم الفيسبوك ووسايل الاتصال التانية مع أصحابك المقربين عشان تتطمن عليهم كل شوية لو مفيش فرصة تتقابلوا كتير في الحقيقة. لو معملتش كده هتبقى صاحب نص كم.
27. متضيفش واحدة على الفيسبوك لو مكنتش قابلته في الحقيقة
مش مهم مين هى ولا اهتمامتها ايه ولا كام صاحب بينك وبينها هي يا إما هتقلبك يا إما انت هتاخد مقلب كبير
28. خلى بالك لو كذبت على الناس الفيسبوك هيكشف اكاذيبك. يعني مثلاً لما تقول لصاحبتك انك في البيت وبعدين الplace يظهر عندها في ميدان التحرير انت كده يومك مش هيكون فايت
29. لو حد حط بوست عندك ممكن ده يأثر على حياتك الحقيقية. اسأل الناس اللى اترفدت بسبب الفيسبوك وهما هيقولولك. عشان كده خد بالك كويس من الحاجات اللي الناس التانية بتحطها عندك.
30. لو حد شال البوست اللى انت حطه عنهم او مسح صورة انت عامله فيها Tag متحطهوش تانى فيها وبلاش رخامه إلا بقى لو كان الولد ده سرق حبيبتك أو استفزك قدام الناس (في الحالة دي مسموحلك تصوره في الحمام وتنشر الصورة على وول الشعب كله).
31. لو انت مطنش حد بعتلك مسدج متعملش اى حاجه تبين انك قاعد على الفيسبوك، خصوصا اللعب اللى زي المزرعة السعيدة كده. استخبى لحد ما يزهق ويمشي (ولا عايز تقعد نص ساعة تشرحله انت مش طايقه ليه؟ الطيب احسن)
32. متضيعش وقتك في انك تفهم صاحبك ده بيفكر ازاى من خلال الحاجات اللى بيحطها او بيعمل عليها لايك وكومنت على الفيسبوك.عمرك مثلا ما هتفهم ليه البنات تحب تتصور ب(وش بطة )على الفيس بوك. فيه حاجات كده ملهاش تفسير.
33. متتخانقش مع صاحبك على الفيسبوك وتفضحه عشان هتكون بتفضح نفسك معاه قدام ال500 صاحب اللى عندك. روح لحد عمده البيت واعمل فيه اللي انت عايزة بدون شهود على الجريمة.
34. متغلطش في حد على الفيسبوك. وطبعا اوعى تشتم مديرك على الفيسبوك لانك اليوم التاني هتترفد او هتاخد خصم. الحيطان ليها ودان ومناخير وعينين وكلها الله ينور مركزة معاك.
35. متخليش الفيسبوك يعطلك عن شغلك (الا لو كنت بتتفرج على صفحة Ya Ragel! اللى على الفيسبوك وساعتها لو اتقفشت واترفدت متخفش، احنا حانشغلك معانا)
36. متحطش معلومات عنك ممكن حد يستخدمها ضدك خصوصا لو داخل على جواز (انت فاهم، هه؟)

وفي النهاية، كان مالها أيام البوسطة والتليفون أبو قرص؟ دلوقتي عشان يعدي علينا يوم من غير ما نعمل مصيبة على الفيسبوك نخسر فيها الجلد والسقط محتاجين دليل مستخدم ما شاء الله 7 صفحات. منك لله يا مارك يا ابن ام مارك..

Unknown

3:39 PM

Read More...

انت جاي تشتغل ولا جاي تهزر؟

المقال ده عن حدود العلاقات بين الزملاء داخل مكان العمل
الموضوع ده بيعاني منه كل شاب و فتاة...هي الفتاة بتعاني أكتر بس ده لا يمنع ان بعض الرجال برضه بيحصلهم مضايقات، أي شركة في نظري هي بوتقة انصهار، يعني شوب الفخفخينة وكوكتيلك يا فرغلي، بالنسبة للإسكندرانية كوكتيلك يا قبيسي (اللي في بحري عالبحر.. جرب المانجة عنده وادعيلي)...المهم خلينا ف موضوعنا، أي مؤسسة بتجمع ناس من خلفيات متنوعة واختلاف في التربية والعقائد والطباع على عكس أصحابك اللي بتختارهم شبهك، قوم اييييه ده بيعمل نوع من الفرهدة النفسية للموظف، حيث ان في ناس بتتخطى حدودها معاه من وجهة نظره

 ، ولذلك هناك خطوط عريضة اتبعها عشان تريح دماغك من أم اللت والعجن اللي بيحصل في الشغل...

1. تجنب الانحياز أثناء النم: طبعا الناس كلها تقولك أول ما تلاقي الناس بتتكلم على حد قوم وامشي، ده صح....بس في يوتوبيا ان شاء الله، كدة انت ضمنت تبقى المواطن إكس من منبوذيا ..لأ انت لو اضطريت تقعد أقعد، بس لا تتفاعل ولا تنحاز،قل حسنا أو فالتصمت. بكدة تبقى عرفت أخلاق كل واحد فيهم وعلمت عليه، ومحدش مسك عليك غلطة وفي نفس الوقت مش اخد جنب وعايش دور الأوتيزم أو عباد الشمس.

2. البنت غير الولد وماهيش كمالة عدد: هزار البنات مع بعض غير هزار البوابين قصدي الولاد مع بعض، غير بقى هزار دول ودوكهم برضه مع بعض، يعني ماينفعش أي تلميحات لامؤاخذة كده ولا كده في الكلام، حتى لو على سبيل الدعابة، مينفعش كمان تشتم الشتايم الطبيعية اللي بتقولها مع صحابك بره (اعفيني من الأمثلة لأن المقال مش هيكفي قاموس الشتائم الرجولية ناهيك عن رفدي من الموقع ان لم يكن السجن وانت أدرى بقى)، وفي هذا الشأن يحضرني كام موقف كده حدث بالفعل...
مشهد 1:
الباشمهندس في نص الشركة قدام العملاء: صباح الفل يا جمييييل
الأستاذة: صباح الخير يا هندسة
الباشمهندس: والنبي عندي ورقة متعطلة ف...بلا بلا بلا ماتخلصيهالي
الأستاذة: تؤمر من عنيا
الباشمهندس: بوسة في الهوا
الأستاذة: !!!!!!!!!!!!!!!! مع توهج مخيف بلون أحمر ناري في الوجنتين

مشهد 2
الزميل: مزّة قوي العميلة دي بس لو تخس شوية من .......
الزميلة: انشقي يا أرض وابلعيني

مشهد 3
الزميلة لابسة حاجة جديدة فاضلة خيرك أول الشهر وقالت تدلع نفسها
الزملاء الأفاضل: تصفيير حاااد مع نظرات فاحصة من فوق لتحت وبالإتجاهات الفرعية وزوايا لم يعرفها فيثاغورس نفسه...مع تعليقات لزجة من نوعية ايه هنسمع خبر حلو قريب؟ منين ده وبكام و...الخ

مشهد 4
هو: عاوزين موظف راجل
هي: ليه أنا قصرت في ايه؟
هو: عاوز أسب الدين وحضرتك مش هتستحملي (قال يعني هو كدة ماشتمش)

3. نووو تاتش: لا كتف كدة ولا زغدة ولا لطشة بريئة أو أي تفاعل جسدي، ده قانونا اسمه سكشوال هارسمنت يعني تحرش وممكن تروح في 60 داهية...العشم بحدود يا حاج، وخاصة في المجالات الرجولية زي المصانع والأوتوموتيف والصناعات الثقيلة، تلاقي الشركة كلها على بعضها فيها 5 بنات بالكتير والرجالة بيتعاملوا معاهم كأنهم الواد بلية زي ما ذكرت سابقا .
4. نحافظ على الألقاب لو قدام عملاء يا رييييييت
5. نحي الدين جانبا، دي علاقة الفرد بربنا، ماشوفكش بقى بتزن على فلانة عشان تقوم تصلي، ولا فلان مجاش صلاة الجماعة ليه ولا مش صايمة ليه التلات أيام البيض....مالكش دعوة والكلام واضح وربنا أمر بالستر.

وأخيرا حط دي حلقة في ودنك: أقرب واحد من الزملاء لازم يقف عالشط التاني في حياتك...صاحب واخرج واضحك وساعد بس خلي أمورك الشخصية شخصية عشان لما بيحصل فركشة الخسائر بتكون فااااادحة وده مكان أكل عيش يابا مش طالبة فضايح.
وربنا يستر علينا جميعا

Unknown

3:38 PM

Read More...