حضرتك تايه ؟؟؟؟
مش عارف المفروض تعمل ايه فى حياتك ؟
مش عارف بتحب ايه و لا عايز تشتغل ايه ؟
ما تقلقش انت مش لوحدك اغلب البلد تايهة و كلنا فى الهوا سوا علشان دى بسبب عدة مشاكل اهمها التعليم
طيب و الحل ؟
نبدأ المرحلة الاولى : الهدف المشترك للبشرية
و هو السعادة و هنا هقنقل كلمة من ايفنت (قوة المصريين )
و لو عايز تعرف اكتر عن الايفنت ده ممكن تقرأ ده
نيجى لكلمة ل د / جواد النابولسى
هو احنا كلنا بندور على ايه ؟
هتلف و تدور و هتوصل لاجابة واحدة ان البشرية كلها بتبحث عن السعادة
طيب ايه هو اللى هسيعدك ؟
هنا بقى هنختلف فى الاجابات ممكن حد يقول النجاح و ممكن حد يقول السلطة و ممكن حد يقول الفلوس و ممكن حد يقول الشهرة و غيرها
طيب تعالى نشوف ايه اللى اغلب الناس بتسعى ليه
هتلاقى الشهرة و السلطة و الفلوس
طيب هعرف منين اذا كان اللى بسعى ليه ده هيسعدنى و لا لأ
هنا د/ جواد كانت بيسأل نفسه فعمل ايه راح سأل مجرب
يعنى جرب يقعد مع الناس اللى عندهم سلطة و يسألهم لقى ان فى بعضهم سعيد و اغلبهم لأ
و جرب يقعد مع الناس اللى عندهم فلوس كتير برضوه بعضهم سعيد و اغلبهم لأ
جرب يقعد مع المشاهير لقى بعضهم سعيد و اغلبهم لأ
طيب ايه السمة المشتركة اللى لقها فى البعض السعيد من ال 3 اصناف
لقى انهم كانوا بيسعدوا الناس
يعنى لو هتعيش لنفسك عمرك ما هتوصل للسعادة لكن لو بتساعد الاخرين و بتحاول تساعدهم هتعيش سعيد
يا ريت كلنا نفكر فى الكلمة دى علشان نعرف هل احنا فعلا ماشين صح فى هدفنا المشترك اننا نبقى سعداء
طيب لو عرفت او بدأت تعرف ايه اللى ممكن يخليك سعيد نجى بقى
للمرحلة الثانية : اختيارتك
و هنا هنقل كلمة صغيرة من نفس الايفنت ( قوة المصريين )
ل أ / احمد يسرى و هو مؤسس موقع
Ewspace
و ده موقع للشغل من على النت
كلمته برضو جميلة كانت عن قوة الاختيار
و هو اختيارات فى الحياة اكتر من انه اختيار مجال الشغل نيجى للاختيارت
1 – و هو عمل فلوس بسرعة
FMM – Fast Money Makers
ده تلاقى واحد صاحبك بيكلم و هو مكلمش من 6 سنين و بيقولك تعالى بكره فى بيزنس مهم تقوله طب ايه هو يقولك تعالى و انت هتعرف و يطلع فى الاخر هو التسويق الشبكى او الهرمى او ايا يكن المسمى اللى هو الباشمهندس ديما بيحذر منه
Network Marketing
ملحوظة : انا شخصيا حصل معايا موقف شبه كده ( بس مش واحد صحبى بقاله 6 سنين و لا حاجة) و روحت فعلا علشان اشوف ايه البيزنس ده لقيت زى محاضرة و ناس كتيييييييير حاضرين زيى بدأت المحارضرة بمقدمة ممتازة عن اختيارك فى الحياة و ربط ناس عملت حاجات عظيمة زى مثلا جوجل بكيف تصبح مليونير فى سنة و فى الاخر بالتسويق الشبكى بتاعه اللى عايز اقوله للناس انه بيستخدم كلام حق يربط بيه الباطل بتاعه فى الاخر هتشتغل شغل ملهوش اى لزمة و احتمال تكسب المبالغ الخيالية اللى بيوقولك عليها و غالبا مش هتكسبها و هتساعد شباب كتير انهم يبقوا زيك بيتجموعوا علشان يبعوا الوهم انا مش بوجه تفكير حد انا كل اللى عايز اوصله هو انك تحكم بنفسك بس تفكر كويس الاول و تخلى بالك من ربط الكلام لان فعلا المقدمة كانت صح جدا بتاعة المحاضرة بس ربطها بالشغل بتاعه اللى ملهوش اى علاقة بالمقدمة دى
و بعد كده الاختيار التانى
هو انك تكون موظف و هنا انت بتدور على الاستقرار و الامان المالى
و احمد يسرى بعد لما اتخرج كان فى انترفيو فاللى بيقابله قاله انتوا ال 6 منكم بجنيه و طبعا اتصدم
مش معنى اللى فات ان موظف اختيار خاطئ لكن هو اختيار و له احترامه
و الاختيار التالت هو انك تبقى رائد اعمال و تأسس عملك الخاص
Entrepreneurs
و الاختيار الرابع هما الباحثين عن امل
Hope Seekers
و هنا يا اما بتشتغل فى مؤسسة غير هادفة للربح و تساعد الناس
او انك انت تعمل عملك الخاص الاجتماعى
Social Entrepreneurship
زى ما الباشمهندس كده عمل معا فبقينا معا فى معا
الاختيار الخامس دى ناس حلوى اوى دول المتبعين لهوايتهم
Hobby Followers
يعنى انت ليك هواية و بتشتغل فيها او هى مشروعك و باسم الهادى اللى ذكرته فيما سبق يعتبر مثال على كده
و فى الاخر الحياة بيكون فيها تغيير للمسارات و يا اما بيكون اجبارى ان الظروف هى اللى تعمل كده و تخليك تغيير مسارك او انك انت اللى تقصد تغيير مسارك بارادتك و ده الافضل
رأيى شخصى : انت مش لازم تختار من الاختيارات السابقة دى انت ممكن تمزج بينهم يعنى ممكن تبقى موظف و فى نفس الوقت مبادر فى باقى اليوم و بتعمل هوايتك فى باقى اليوم خصوصا انك لو حبيت انك تكون مبادر او بتعمل اللى بتهواه هتلاقى عليك ضغوط كتير من اللى حوليك و المجتمع و ممكن بعد لما تنجح نجاح كويس فى الحاجة اللى بتحبها تسيب الوظيفة خالص لو عايز و تتفرغ للبتحبه و فى امثلة كتير عملت كده زى الفنان حمزة نميرة و نروح بعيد ليه الباشمهندس ربنا يكرمه بيشتغل الصبح مهندس و باقى حياته معا
طيب دى كانت الاختيارات بشكل عام نيجى
وشوف الفيديو الجامد ده عن حد اشتغل اللى بيحبه
http://youtu.be/QuWpJ7FKMHs
للمرحلة الثالثة : اعرف نفسك و اختيارك بشكل ادق
ده فيديو عن ازاى تعرف موهبتك و ده جديد مش فى الرسالة اللى فاتت
ممكن تشوف الفيديوهات بتاعة د /صلاح الكاشف
عن انت عايز تطلع ايه و ده فيديو المقدمة
و تدور على الباقى على اليوتيوب
و دى صفحته ممكن تتواصل معاه من خلالها
و علشان تعرف نفسك فى موقع كان قال عليه د / صلاح فى محاضرة ليه
بتجاوب على اختبار علشان تعرف ميولك موقع اجنبى حاول لو الانجليزى ضعيف تترجم و تجاوب
و فى موقع مصرى بيعمل اختبار زى ده و حاجات تانية كتير
http://www.masrworks.com/
و كمان فى مبادرة اسمها شيزوفرينيا هدفها انها تساعدك انك تعرف نفسك و تحدد اختياراتك من خلال دورات
اعرف اكتر عنهم من خلال صفحتهم
http://www.facebook.com/pages/%D8%B4%D9%8A%D8%B2%D9%88%D9%81%D8%B1%D9%8A%D9%86%D9%8A%D8%A7-%D8%B4%D9%88%D9%81%D9%87%D8%A7-%D9%85%D9%86-%D8%A7%D9%84%D9%86%D8%A7%D8%AD%D9%8A%D9%87-%D8%A7%D9%84%D8%AA%D8%A7%D9%86%D9%8A%D9%87/210139909030575
و فى موقع بيكون فيه فيديوهات لناس مهنيين و منهم مشاهير علشان يتكلموا على مجالهم و فى حاجات تانية كتير برضه
http://www.bosletak.com/
و دى صفحتهم
http://www.facebook.com/Bosletak
و اخيرا حاجة المفروض تكون اتعلمتها فى معا هى
انك تفضل ديما فى حركة و تجرب كل حاجة لغاية لما هتوصل لحاجة و هتقول هى دى
لكن اكيد مش هتكون متوقع انك و انت واقف فى مكانك هتلاقى الدنيا هى اللى بتتحرك و كل اسئلتك بتتجاوب
و شوف الفيديو ده لشخصية من اكتر الشخصيات تأثيرا فى العالم سواء بتتفق معا او بتختلف عن تأثير الحركة فى حياته و ازاى اكتشف موهبة
و علشان تعرف تتحرك لازم تخرج من منطقة الراحة فشوف ده
http://youtu.be/SJ3nlTgL5Ro
و ان شاء الله لو عرفت انت عايز تروح فين يبقى ناقص هتركب ايه ادخل على الموقع ده و انت تعرف تركب ايه J J
و ربنا يهدينا جميعا لما يحب و يرضى
No comments:
Post a Comment